教咗五年書，同學仔一開頭最經常會問兩個問題：
- 點解我又係溫咁多書，另一個同學仔又係溫咁多書，佢永遠都比自己高分？
- 點解我通識一時會考得咁好一時又會考得咁差？
要答呢兩個問題好簡單，就係因為你從來都唔知通識嘅遊戲規則係點樣玩。說穿了，大家入到去考場考通識都係盲頭烏蠅咁樣，變咗好多時候只係靠運氣去應試。考得好就係因為好彩識得做條題目，考得唔好就會去埋怨唔好彩遇到一啲自己唔識做嘅問題。
呢個課程有咩用？我希望你上完呢個半鐘頭課堂之後，會解答到上邊嘅兩條問題。你會明白通識絕對唔係一課撞彩靠運氣嘅課，同踢波捉棋打機一樣，技巧就係致勝關鍵。
課程重點
- 最基本通識技巧：務求4分題目全取， 6分題目至少拎5分
- 易位思考：淺談通識出題背後嘅考官思維，等你知道得分/加分位喺邊度
- 多角度心法：教你簡單方法唔會寫寫下發現論點重複晒
- 一矢中的題型：通識最難答嘅題型只係得一種，我唔會漁翁撒網，但求一針見血話俾大家聽點樣應付。
- 漫畫題兩個重點字：大家都講到漫畫嘅基本要素，要攞足分就一定要知道呢兩個關鍵字
- 駁論一角兩刀：不必花過多心機，但又做到邏輯嚴謹嘅 law student 駁論思維
- 吹水秘技：5**必備吹水大法 / 金磚思考法 & 思維乾塘急救心法
課程配套
- 極雞精 1.5 hr 教學影片
- 24頁極雞精精讀筆記